Mia cara madre,
sta pe' trasí Natale,
e a stá luntano cchiù mme sape amaro....
Comme vurría allummá duje o tre biangale...
comme vurría sentí nu zampugnaro!...
A 'e ninne mieje facitele 'o presebbio
e a tavula mettite 'o piatto mio...
facite, quann'è 'a sera d''a Vigilia,
comme si 'mmiez'a vuje stesse pur'io...
E nce ne costa lacreme st'America
a nuje Napulitane!...
Pe' nuje ca ce chiagnimmo 'o cielo 'e Napule,
comm'è amaro stu ppane!
Mia cara madre,
che só', che só' 'e denare?
Pe' chi se chiagne 'a Patria, nun só' niente!
Mo tengo quacche dollaro, e mme pare
ca nun só' stato maje tanto pezzente!
Mme sonno tutt''e nnotte 'a casa mia
e d''e ccriature meje ne sento 'a voce...
ma a vuje ve sonno comm'a na "Maria"...
cu 'e spade 'mpietto, 'nnanz'ô figlio 'ncroce!
E nce ne costa lacreme st'America
a nuje Napulitane!...
Pe' nuje ca ce chiagnimmo 'o cielo 'e Napule,
comm'è amaro stu ppane!
Mm'avite scritto
ch'Assuntulella chiamma
chi ll'ha lassata e sta luntana ancora...
Che v'aggi''a dí? Si 'e figlie vònno 'a mamma,
facítela turná chella "signora".
Io no, nun torno...mme ne resto fore
e resto a faticá pe' tuttuquante.
I', ch'aggio perzo patria, casa e onore,
i' só' carne 'e maciello: Só' emigrante!
E nce ne costa lacreme st'America
a nuje Napulitane!...
Pe' nuje ca ce chiagnimmo 'o cielo 'e Napule,
comm'è amaro stu ppane!
Postato da il brigante il 09-03-2007
gl'italia agl'emigrati
eh lo so lo so, lo conosco il dolore di affacciarsi la mattina e non ascoltare mimmo taurino.....e io piango....
Postato da alexnoize il 18-01-2007
ciao
ho fatto l'associazione dei commercianti
Postato da Andrea il 17-01-2007
che bella idea
ciao naples982,
abbiamo trovato così interessante la tua idea di un blog sugli emigrati angresi che non potevamo fare a meno di mettere un link in home page direttamente a questo blog.
Tu dove risiedi ora? Ti trovi bene lì? Ci sono altri angresi nelle vicinanze? Facci sapere più cose che puoi. Ciao!
“ Convochi una riunione delle associazioni culturali per pianificare le iniziative per l’anno 2009” . Domani 21 novembre in cartellone “omaggio a Di Giacomo” regia di Italo Celoro
Torna la rassegna teatrale presso le Officine meccaniche Giulio Raiola, in via Enrico Fermi, che anche quest'anno sono state messe gratuitamente a disposizione dal proprietario.
